Author: admin

На 07.02.2020 (петок), со почеток од 20ч, во салата на Занаетчискиот Дом во Куманово, Граѓански Центар АктивУм го организира локалниот Донаторски Настан “Куманизам = Хуманизам”, насочен кон мобилизирање на локалната бизнис заедница.

Бизнис заедницата во Куманово е активен и одговорен чинител на животот во Куманово: твори во нашата заедница, се потпира на луѓето од заедницата, но и придонесува за локален развој и враќа со поддршка секогаш кога има можност и потреба. Овој настан претставува наш заеднички придонес кон афирмацијата на донаторството и филантропијата помеѓу бизнис заедницата како алатка за општествена одговорност, но и културна вредност за соживот и солидарност.

Целта на самиот настан е да преку котизација за учество во настанот, директи донации во производи и/или учество во аукција на слики и фотографии се соберат средства кои би биле доставени на наши сограѓани кои имаат потреба од итна помош и поддршка (болест во семејство, старост и сиромаштија и други социјали ризици).

“Куманизам=Хуманизам” се организира во рамки на проектот #Култура за Куманово #Куманово за култура, имплементиран од Граѓански Центар Активум Куманово, а поддржан од „Регионалната програма за локална демократија во Западен Балкан (ReLOaD)”, финансирана од Европската унија, а спроведувана од Програмата за развој на Обединетите нации (УНДП). Проектот е ко-финансиран од Општина Куманово.

Во четврток на 26 декември во Центарот за култура Трајко Прокопиев во Куманово со почеток во 19:00 часот ќе биде отворена изложбата на фотографии кои го документираат и слават Старо и Ново Куманово, а  истите ќе бидат  промовирани и во вид на  фото албум со разгледници.

Целта на изложбата е афирмација на локалната култура, традиција, но и урбано живеење и секојдневие во Куманово низ објективот на фотографите.

Ќе бидат изложени 20 фотографии кои беа дел од Конкурсот за фотографии од  старо и ново Куманово кој беше објавен во рамки на проектот #Култура за Куманово #Куманово за Култура. На конкурсот беа пријавени 181 фотографија од фотографи од Македонија и надвор од неа. Стручно жири составено од искусни фотографи, го стесни изборот на 20 фотографии кои ќе имате можност да  ги видите на изложбата, а три од нив беа прогласени за најдобри фотографии пријавени на конкурсот и парично наградени.

На изложбата ќе биде промовиран и Фото албум со разгледници од најдобрите двасет фотографии. Фото албумот ќе даде допринос за културна промоција на градот Куманово во земјата и надвор од неа и претставува запис за сите нас и за генерациите кои доаѓаат.

Годинава градот Куманово слави 500 години постоење и воедно е Град на Културата за 2019^та година. Преку организирањето на изложбата и изработката на Фото албумот со разгледници од старо и ново Куманово, Граѓанскиот центар АктивУм дава свој придонес во одбележувањето на јубилејот на градот Куманово.

Изложбата ќе биде отворена од 26 декември 2019 до 10 јануари 2020 година.

Изложбата е дел од проектот #Култура за Куманово# Куманово за култура, поддржан од Регионалната програма за локална демократија во западен Балкан (ReLOaD), финансирана од Европската унија, а спроведувана од Програмата за развој на Обединети нации (УНДП) и ко-финансирана од општина Куманово.

На 26.10.2019 го одржавме првиот КуманиУм, уличен фестивал на локалната култура и традиција. 319 учесници и многубројна публика, многу музика, танц, театар, забава и уметност во сите облици. Со нас беа Перципио, Атлета, КУД Ѓоко Симоновски, Шербет, ФазБабл, Младен-Трендо, , бендовите од Гимназија Гоце Делчев и ОСТУ Наце Буѓони, Dirty side, солистите Мартија Станојковиќ, Анастасија Спасевска, Матеј Абдулкарим, КУД Срма, КУД Српски вез, КУД Бајрам Шабани, хорот и учениците од ООУ Кочо Рацин, ООУ Крсте Мисирков, ООУ Толи Зордумис, ООУ Вук Караџич, ООУ Наим Фрешери, бозата од Реклама, јогуртот од Бучим Козјак, и нашите локални писатели, ракотворки, готвачки и нашите драги волонетри. Видеото во прилог покажува дел од прекрасната атмосфера.

КуманиУм е дел од проектот #Култура за Куманово #Куманово за култура, имплементиран од Граѓански Центар Активум Куманово, а поддржан од „Регионалната програма за локална демократија во Западен Балкан (ReLOaD)”, финансирана од Европската унија, спроведувана од Програмата за развој на Обединетите нации (УНДП). Проектот е ко-финансиран од Општина Куманово.

Погледнете како си поминавме. Насмеани лица, креативност, инспирација, вешти раце, музика, танц, среќни деца и расположени возрасни. Тоа е лицето на Куманово кое го сакаме.

Ви благодариме на сите за учеството и присуството, и едвај чекаме следна прилика за дружење!

Заврши конкурсот и селекцијата на фотографии за Старо и Ново Куманово. Целта на конкурсот беше да се добијат фотографии кои ја афирмираат локалната култура, традиција, но и урбано живеење и секојдневие на Кумановци, како дел од прославата на 500 години Куманово.

На конкурост се пријавија 181 фотографија, па жирито составено од искусните фотографи Владимир Јовановски, Влатко Деков и Дарко Даутовиќ имаа тешка задача да почнат со избор на 100 фотографии кои би биле изложени како дел од Уличниот Фестивал КуманиУм, па да го стеснат изборот на 20 фотографии кои би ги виделе на посебна изложба и фото албум со разгледници во ноември 2019та, и за на крај ги наградат најдобрите три фотографии. Со голема чест и задоволство објавуваме дека:

• 1ва награда и добитник на 10.000 денари е фотографијата “Поздрав од Куманово”, на авторката Викторија Златковиќ,
• 2ра награда и добитник на 7.000 денари е фотографијата “1 на 1”, на авторот Димитар Чунговски, и
• 3та награда и добитник на 3.000 денари е фотографијата “Mystic View”, на авторот Матеј Димитриевски, кој воедно и најмладиот учесник на конкурсот со само 12 години.

АктивУм и жирито искрено им честита на наградените автори и им посакува да продолжат да творат и оставаат записи за сите нас и генерациите кои доаѓаат. Свеченото доделување на наградите ќе се случи на изложбата на 20те најдобро рангирани фотографии, вклучувајќи ги и наградените, во месец ноември во Домот на Културата “Трајко Прокопиев” во Куманово. За точниот датум и детали ќе бидете дополнително информирани.

Во меѓувреме, повелете на 26ти Октомври, во сабота, од 12часот, на плоштадот пред НЦУК “Трајко Прокопиев”, на Уличниот Фестивал КуманиУм, каде ќе имате можност да погледнете 100 од пристигнатие фотографии на конкурсот. Повеќе информации за тоа што друго ќе се случува на КуамниУм може да најдете на фб настанот: https://www.facebook.com/events/792009621243153/?active_tab=about

Голема благодарност до сите пријавени на конкурост, се надеваме на соработка и следната година!

**************

Фото конкурсот, наградите и уличниот фестивал “КуманиУм” се организираат во склоп на проектот #Култура за Куманово #Куманово за култура, имплементиран од Граѓански Центар Активум Куманово, а поддржан од „Регионалната програма за локална демократија во Западен Балкан (ReLOaD)”, финансирана од Европската унија, спроведувана од Програмата за развој на Обединетите нации (УНДП). Проектот е ко-финансиран од Општина Куманово.