Author: admin

Во сабота, на 26.10.2019, со почеток од 12часот, на плоштадот пред “НУЦК Трајко Прокопиев” во Куманово ќе се случи нашиот уличен фестивал “КуманиУм”.

Фестивалот го прават и создаваат сите наши сограѓанки и сограѓани кои како изложувачи, фотографи, глумци, писатели, готвачи, музичари, уметници, креативци, изведувачи ќе ја афирмираат и промовираат локалната култура и традиција огледана преку музиката, занаетите, фотографијата, графитите, храната, уметноста и играта.  Ова е наш заеднички придонес кон одбележувањето и прославата на 500 години од нашето Куманово, со сите негови стари и нови марифети.

Покенети сте сите! Понесете ја вашата насмевка, добра енергија, пријателите или семејството и дојдете на целодневно дружење!

Повеќе информации може да најдете на нашиот фб настан: https://www.facebook.com/events/792009621243153/?active_tab=about

*********

Уличниот Фестивал “КуманиУм” се организира во склоп на проектот #Култура за Куманово #Куманово за култура, имплементиран од Граѓански Центар Активум Куманово, а поддржан од „Регионалната програма за локална демократија во Западен Балкан (ReLOaD)”, финансирана од Европската унија, спроведувана од Програмата за развој на Обединетите нации (УНДП). Проектот е ко-финансиран од Општина Куманово.

Нашето ново видео за тоа како помина циклусот Фото Работилници кој успешно го пројдоа 20 Кумановци и Кумановки. Учење, дружење, со забава и многу многу фоткање. Со среќа и успех на идните фотографи и документатори на нашето локално живеење и секојдневие! Ве чекаме на нашите следни активности!
#КултураЗаКуманово#КумановоЗаКултура
#ReLOaD#LocalDemocracy#WesternBalkans
#ОпштинаКуманово

Наскоро, нашиот град ќе биде прикажан од поинаков објектив. Наскоро ќе бидете и Вие дел од необично улично доживување. Ако го сакате Куманово ќе дојдете сите. Културолошки настан од светски размери. Останете љубопитни…

Викендов АктивУм ја организираше првата работилница за улична фотографија, наменета за граѓаните на Куманово. Во серија од 5 работилници, 20 Кумановци и Кумановки ќе се запознаат со основите на уличната фотографија и ќе имаат можност да преку практична работа – фотографирање на терен ги усовршат своите фотографски вештини и амбиции. Крајна цел е да што повеќе граѓани се инспирираат да конкурираат за фото конкурсот и изложбата кои ќе следат во Октомври, а кои ќе имаат за цел да го документираат и слават културното и духовно наследство на Куманово.

Фото работилниците АктивУм ги организира заедно со Фото Клуб Куманово и Дом на Култура Трајко Прокопиев, во рамки на проектот #Култура за Куманово #Куманово за Култура. Проектот е дел од Регионалната програма за локална демократија во Западен Балкан (ReLOaD) кој е финансиран од ЕУ, а го спроведува Програмата за развој на Обединетите нации (УНДП), а дел кофинасира и Општина Куманово.

#Култура за Куманово #Куманово за Култура е проект кој го спроведува Здружението за активизам, едукација, култура и уметност ГРАЃАНСКИ ЦЕНТАР АктивУм Куманово.

Основната цел и фокус на проектот е афирмација на традицијата, културното и духовното наследство на општина Куманово, преку мобилизација и учество на самата заедница, а со посебен акцент на зајакнување и вклучување на младите. Во таа насока проектот предвидува организирање на Уличен фестивал кој ќе ги мобилизира сите граѓани и граѓанки од општина Куманово, фотографиите и видео записот од фестивалот ќе останат како промотивни материјали, а како придонес во афирмацијата на солидарноста и општествената одговорност на бизнис заедницата како нова културна придобивка, проектот предвидува и организирање на донаторски настан. Самиот проект подразбира активна вклученост на сите сегменти од локалната заедница на општина Куманово и здружување на сите локални ресурси од човечки и институционален карактер, што би претставувало промоција на назјначајното од локалната култура и традиција – а тоа е соживотот и славење на различноста.

Значајно е да се напомене дека токму годинава градот Куманово слави 500 години постоење, и воедно е Град на Културата за 2019та година, а предложените проектни активности даваат свој придонес во славењето и одбележувањето на истото.

Цели на проектот

• Афирмирање на уличниот фестивал како алатка за претставување и славење на духовното и културното наследство во градот преку мобилизација на локалното население, а посебно младите;

• Афирмирање на донаторството и филантропијата помеѓу бизнис заедницата во Куманово како алатка за општествена одговорност, но и културна вредност за соживот и солидарност;

Очекувани резултати на проектот

• Стекнати вештини за улична фотографија кај 20 млади луѓе од различен пол и етничка припадност; 

• Изработени и промовирани материјали кои го документиратт и слават културното и социјалното наследство на Куманово;

• Мобилизирана локалната заедница во разбирањето, славењето и промоцијата на локалната традиција,  материјално и нематеријално наследство, како и историјата на мултикултурно и мултиетничко живеење;
• Мобилизирана локалната бизнис заедница вопромовирање на филантропија и донаторствокако локална вредност која треба да се усвојува и негува.

Времетраење на проектот е 6 месеци, од септември 2019  до март 2020 година.

Проектот е дел од Регионалната програма за локална демократија во Западен Балкан (ReLOaD) кој е финансиран од ЕУ, а го спроведува Програмата за развој на Обединетите нации (УНДП). Линкот кој води до повеќе информации за проектот ReLOaD:

http://www.mk.undp.org/content/the_former_yugoslav_republic_of_macedonia/en/home/operations/projects/democratic_governance/regional-programme-on-local-democracy-in-the-western-balkans.html

Лице за контакт: Марија Тошева